ශ්රී ලංකාවේ ප්රමුඛ හොකී තරගාවලිය ලෙස හඳුනාගත් ශ්රී ලංකා ප්රිමියර් හොකී ලීග් දෙවැනි අදියර, එළැඹෙන නොවැම්බර් මස පළමු සතියේ ආරම්භ වීමට නියමිතය.
මෙම තරගාවලිය සංවිධානය කරන්නේ නෙක්ස්ට් ජෙන් හොකී සංවර්ධන සංවිධානය වන අතර, ශක්තිමත් කණ්ඩායම් 9ක් එයට එක්වීමට නියමිතය. විශේෂයෙන්ම, ඉන්දියාව, බංග්ලාදේශ්, නේපාලය සහ පාකිස්තානය යන රටවල ප්රමුඛ ක්රීඩකයින්ද මෙහිදී සහභාගී වනු ඇත.
තරගවලිය කොළඹ සහ මාතලේ නගර දෙකේ පැවැත්වීමට නියමිත අතර, නගරවල සහ ගම්මන් රසිකයන් අතර හොකී ක්රීඩාව පිළිබඳ උනන්දුව සහ ජනප්රියතාව තවදුරටත් වැඩිදියුණු කරන බව අපේක්ෂා කෙරේ.
